May 8, 2024: Wednesday din deh, Singapore Air Force laka ekta F-16 jet, military airbase deh takeoff kura time deh crash hui jai shae, Singapore laka ministry of defense para ekta statement deh kui shae. Defense ministry para plane tho take-off kura time deh ekta “issue” experience kuri shae kui shae 12:35 pm deh. “Pilot keh tho successful eject kuri di shae aro plane tho Tengah Air Base deh crash hui jai shae. Pilot tho conscious ase aro bira bo pari ase. Tai itia medical attention pai ase. Alak personnel kan kun b jokom kah nai,” ministry para kui shae.
Taikan para etu incident laka connection deh investigations kan b kuri ase kui shae aro para tak etu incident deh updates kan dibo kui shae. Channel News Asia report isap deh, Singapore kan F-16 keh 30 sal laka upor operate kuri shae. Enaka nishi nah incidents kan city deh rare ase. Southeast Asia deh, Singapore laka hath deh sobse advanced air force ase.
February mohina deh, Singapore kan para taikan laka intention announce kuri shae, atha F-35A jets kini bole. Singapore kan agae deh b “B” variant laka 12 F-35 jets laka order kotom kuri shae.
Add Comment