May 24, 2024: Singapore Airlines flight SQ321 deh taka passengers laka upor deh chaos ahi bi ase kui nah komti warning taki shae. Boeing 77-300R tho Myanmar laka upor deh ura time deh, extreme turbulence para plane keh hit kuri shae, kuto para passengers, flight attendants aro inflight meals kan keh bia para hilai di shae.
“Achanak she aircraft tho upor deh tilt kura shuru hui shae aro hili taki shae,” Malaysian Student Dzafran Azmir para kui shae.
28 sal laka mota tho ready deh taki shae aro tai seatbelt lakai nah ase nah nai, etu check kuri shae. Tai kuri nah taki shae hoile b passengers kan bishi kuri nah taka nai.
“Ekta dramatic drop hui shae. Etu hua tho kun kan seatbelt lakai nah taka nai, taikan keh upor deh urai di shae. Kun bah manu kan tho taikan laka math, baggage cabins deh laki shae aro dent b kuri di shae,” Azmir para Reuters keh kui shae.
Ekta passenger muri jai shae, suspected heart attack karne aro kom seh kom 30 jun tho jokom kai shae. Flight para taikan sudden extreme turbulence encounter kuri shae kui shae, Myanmar laka upor deh ura time deh.
Add Comment