JUN 25, 2021 Singapore laka ministers bara koishe ki, manu khan vaccination loi ledo, Covid-19 doh ekda endemic disease neshena hobo aro edu ekda flu, hand, foot aro mouth disease neshina he hobo koishe.
Edia tak de ek sal loko beshi wala hoishe, Covid-19 shuru hoi kena, aro cases bhi beshi high wala hoi ase , aro notun variants olai thake ase, hoilebe manu khan sob edu bara jinda thakebole sheke ase. Beshi countries khan edi doh normal life thakebole shuru hoishe, aro Singapore bhi edu major de ekda country ase. Bad news ase ki, edu Covid-19 doh kedia bhi najabo bare, hoilebe good news bhi ase, ki moikhan sob normal life thakibo covid thake lebe. Minister for trade and industry Gan Kim Yong, aro minister for finance Lawrence Wong and minister for health Ong Ye Kung koishe ki,sob manu vaccination lobo aro normal life thakebole koshish kurebo koishe.
Vaccination lua laka report hisap de manu khan infection aro transmission bara reduce hua thekai she. Full vaccination lua khan doh mild nahoile eku symptoms nathaka laka report dekhai she. Aro koishe ki bara tak sob ke National day nahia time sob manu ke vaccination dipole koshish kurebo koishe. Aro ministers bara koishe ki kun manu infect hobo edu khan nejor khor de recover kurebole dipo koishe, eneka hoile health care khan ke stress nadibole. Aro testing doh office buildings , malls, schools khan de enter kura time de kurebo koishe.
Add Comment