Singapore, 5 Febraury : Singapore government para Monday dey kuishey ki taikhan para annually lui thakia Formula 1 race laga terms toh review kuribo, kuntu scrutiny andar dey ahishey former Indian-origin transport minister Subramaniam Iswaran laga corruption charges dey arrest hua piche dey. Itu government para kuisheh ki taikhan para Singapore Tourism Board (STB) ke bhi hudishey, 2022 Grand Prix dey ekta audit conduct kuriboley. Trade Relations Grace Fu karney Minister-in-charge para Parliament dey lua laga faisla janai dishey Monday dey. Juti Fu para house deh eman details dianai, tai halishey, “Members para bujiwo ki mui itu laga agey kuwo naparibo.”
Parliament laga Members para F1 race dey kunwa parliamentary sawal file kurishey former Indian-origin transport minister ke corruption charges dey arrest kuria piche dey.
Itu case former minister laga khilaf, kun Trade Relations laga Minister-in-charge bhi thakisheh, itia chuli asey. Iswaran, tai laga early sixties dey, 27 charges samna kuri asey: corruption laga tuita, justice ke obstruct kuria tuita aro ekta public servant nishna kunwa saman utha laga 24.
Fu para kuisheh ki tai itu matters dey relate kuria sawal dey jawab diwo naparibo kuntu Iswaran laga trial dey deal kuribo parey.
Opposition aro Workers’ Party chief Pritam Singh laga sawaal dey jawab dina, kuntu agency para itu F1 deal review kuri asey, Fu kuishey ki Trade aro Industry (MTI) laga Ministry para itu review lead kuri asey aro alag agencies bhi milaina thakibo parey.
Add Comment