Singapore, 23 January 2025: Lynn Ban, ekta celebrity jewellery designer Singapore pra kun Netflix reality show Bling Empire te starred kuri shey, tai muri jaishey, ekta month brain surgery jai kina, ski accident hoi kina. Tai laka bacha Sebastian pra taila death toh confirmed kuri dishey ekta Instagram post te Wednesday din te, tadeh tai tribute dishey tai laka 51 saal ama ke, best friend aro best ama koina. Accident toh Aspen te, US te hoishey Christmas eve te. Ban laka ghor manu khan tai kina muri shey echa b janai dinai.
Social media post ekta te New Year’s Eve te, Ban pra janai dishey ki mountain laka top te ski kura time te tai giri jaishey aro face te land hoishey. Tai helmet laga nimite, etu time te toh bishi biya thaki nai aro nichi tak ski kuribo pari shey, tai pra enika koishey. Aro koishey ki ski patrol officer pra olop deri hoi kina concussion nimite check kuri shey aro clear thaki shey. Hoileh b tai lokot matha bikhai thaki shey aro decide kuri shey hospital jabo leh, paramedic laka advice te. Tadeh tai jani paishey ki tai brain bleed thaki shey aro emergency craniotomy karne jaishey.
Ekta suku blink te, tai laka life toh change hoi jaishey, tai pra written post te koishey, kun toh ekta picture lokot thaki shey, tai bisna te thaki na matha pura shaved kuri kina, “echa b lamba rasta te bhal hubo leh hoileh moi survivor ase”. Singapore te jonom joi kina, Ban toh New York te, London aro Paris te kam kuri shey. Tai laka design toh pop stars Madonna, Beyonce, Rigana, Lady Gana, Cardi B aro Bilie Eilish khan pra lagai shey, tai laka website hwa hisap pra.
Taila tribute te, Sebastian Ban pra koishey, tai duniya ke janibo dibo mon ase taila ama kun ase koina.
Add Comment