Sinner aru Alcaraz US Open Final Match laga tayaari kuri ase

September 7, 2025 – New York te ekta dangor tennis match hobole  ase, aru tate World No. 1 Jannik Sinner aru World No. 2 Carlos Alcaraz US Open 2025 men’s singles final te mukabala kuribo. Etu hobo taikhan laga tisra Grand Slam final ek sal te, juntu Open Era te prothom bar hobo. Sinner etiya dangor form te ase, juntu Australian Open aru Wimbledon jitise. Dusra pahar te, Alcaraz French Open final te dangor comeback kurijina jiti lobo para, jate duita set haar para phiri ahise aru Sinner ke haraishe. Taikhan laga head-to-head hisab te, Alcaraz age thake 9–5 score te. Eibar final laga dangor point hoishe aru, World No. 1 ranking bhi eitumatch te decide hobo. Sinner bishi din para top te ase, kintu Alcaraz etya ferot loi ahibo lage boli taiyaar ase. Alcaraz eibar US Open te eku set hari nai, aru Sinner laga hard-court Grand Slam record ekdum strong ase, jate 27 match continuous jitishe. Final match hobo Sunday, 2 p.m. ET (11:30 p.m. IST) te. Special attraction hobo karon U.S. President Donald Trump bhi stadium te ahibo, aru etu hobo 25 sal para prothom bar ekta American president US Open final dekhishe. Etiya dunia laga najore duijon young champion upor te hobo, aru match dangor history bonaibole expect kuri ase.