MANGALDOI: Assam’s Darrang district te Sunday rathi Sipajhar jaga te tinta(3) SBI ATMs loota te police para itya dak eku khobor nai koishe. “ami khan laga investigation jai ase hoilebi itya dak etu case te kam toh bapana neshina te nahoikena ase,” koikena Sipajhar Police Station laga officer-in-charge, inspector Sushil Kr Dutta para Northeast Now logot khobor toh janaishe. Aro dosura kotha ekta te SBI para etu ATMs te keman poisa thakishe janai thiboli ase. “SBI laga Technical team khan Tezpur para Sipajhar pongchise aro itya tai khan para poisa toh keman lootishe hesab kori ase,” koikena inspector Dutta para koishe. Khobor hesab te janai deya toh Sunday rathi, chor khan para Sipajhar Police Station pithor Ghorabandha jaga laga tinta(3) ATMs beya korikena poisa toh sob lootikena jaishe koishe.
Sipajhar te tinta(3) SBI ATMs lootishe
Add Comment