New Delhi, 5 May : Aamir Khan laga aagan laga film Sitaare Zameen Par laga first poster public kuridise. Logot Aamir Khan Productions bhi finally film laga release date announce kuridise. Haan, itu film jun age Christmas te release hobole thaka thaki, etiya change kori June mahina te release hobole ase. Logot film laga makers confirm kurise ki 2007 laga film laga sequel te 10 jon nobo actor launch hobo.
2007 laga superhit Taare Zameen Par laga sequel, Aamir Khan laga Sitaare Zameen Par to June 20 tarik te release hobo. Film laga makers ekta poster share kurise aru caption te likhise: “Ekta film love, laughter aru happiness celebrate koribo karone. #SitaareZameenPar #SabkaApnaApnaNormal, 20th June Only In Theatres.” Itu bhi important ase ki Aamir Khan aru Darsheel Safary logot Genelia D’Souza bhi lead role te thakibo.
Poster te superstar Aamir Khan logot 10 jon nobo actor bhi dekha jai ase. Aroush Datta, Gopi Krishna Varma, Samvit Desai, Vedant Sharma, Ayush Bhansali, Ashish Pendse, Rishi Shahani, Rishabh Jain, Naman Mishra aru Simran Mangeshkar itu film te acting debut koribo.
Ei film RS Prasanna direct kurise, jun Shubh Mangal Saavdhan direct korithakise. Aamir Khan Productions laga banner under te banaise. Sitaare Zameen Par te Aamir Khan aru Genelia lead couple hobo. Film laga lyrics Amitabh Bhattacharya likhise aru Taare Zameen Par mota, music to Shankar-Ehsaan-Loy compose korise. Screenplay to Divy Nidhi Sharma likhise aru film to ei saal June 20 tarik te release hobo.
Add Comment