Sivasagar te 4 jun Assam activists thurishe

May 25, 2021. Monday rathi samai upper Assam Sivasagar district te police para check kora te alag-alag  organizations laga 4 jun manuh thurishe koishe. Khobor para koishe ke, Chatra Mukti Sangram Samiti (CMSS) laga student wing of peasants’ body KMSS, leader Manas Konwar ke Monday rathi tai laga ghor Simaluguri para 10.30 pm samai thurishe. Police para aro dosura tin(3) jun leaders ke tai khan laga ghor Sivasagar para othaikena jaishe. Police team para aro Asom Yuba Chatra Sanmilan president Jintu Mech, Raijor Dal leader Padmakant Das aro Bir Lachit Sena leader Chitu Baruh ke tai khan laga ghor para thurishe koishe. Etu samai Mech aro Das ke toh Sivasagar police team para 11.30 pm samai thurishe aro Baruah ke 1.30 am samai thurishe koishe. Sivasagar police para tai khan ke nemite thurishe khobor toh janai deya nai. Khobor hesab te koishe ke, police para etu activists khan ke thura toh hoile chief minister Himanta Biswa Sarma para Raijor Dal chief Akhil Gogoi oper te kelaaf kora nemite protests kora te hoboli pareh koishe. Chief Minister Sarma para Monday din Assembly te tai laga speech te Akhil Gogoi toh Assembly session te samil hoboli mentally unfit ase koishe. Chief Minister Sarma para Gogoi oper te kotha kowa nemite social media te besi tangor jamila olaishe. Gogoi toh Assembly polls te Sivasagar constituency para olaishe aro Friday din te National Investigation Agency (NIA) court para tai ke Assam Assembly te MLA hoboli oath loboli manishe.