Regional

Six Mizoram students ek din karne ‘Deputy Commissioner’ hoise Lunglei te

7 months ago

Mizoram, 27 August : Mizoram pora choy jon talented student khan ke ekta unique opportunity dise juntu te taikhan Lunglei district te ek din laga Deputy Commissioner hisab te kaam koribo para, District Level Nasha Mukt Bharat Abhiyaan under organise kora ekta special programme dwaar pora. Itu initiative laga main aim ase youth leadership develop kora aru substance abuse uporte awareness uthai dibole, juntu Lunglei DC Navneet Mann, IAS host korise.

Student khan governance, administration aru public service laga responsibility experience korise. Programme “Breaking the Chain: Prevention, Treatment and Recovery for All” itu theme under cholise aru Lunglei DC Navneet Mann, IAS spearhead korise.

Select kora student khan ase – Joseph R. Vanlalpeka (Govt High School, Lunglei), C. Lalngaihzuali aru R. Lalhmingmuanpuia (Sacred Heart HSS), Judy C. Lalenkawli aru K. Zomuanpuia (Baptist HSS) aru Gracy Lalchhanchhuahi (Govt HSS, Lunglei).

Din bhar laga programme DC Office te welcome aru orientation session logot start hoise, tar piche office tour te student khan key department laga officials logot interact korise. Mock morning briefing bhi korise juntu te student khan DC hisab te thaki Education, Health, PWD, Police aru DRDO department pora report lobo aru tai response hisab te direction dibo.

Student khan simulated Public Grievance Hearing te participate korise, journalist logot press conference exercise korise aru developmental project juntu ase DCSO Multi-Level Car Parking aru Health ATM (Civil Hospital, Lunglei) inspect korise.

Programme reflection aru sharing session logot khotom hoise, aru certificates distribute kora hoise. Lunglei DC Mann student khan laga enthusiasm praise korise aru taikhan ke encourage korise ki taikhan laga studies te committed thakibi aru substance abuse uporte fight koribole example hisab te lead koribi.

District officials confirm korise ki itu laga nisina programme khan sigra SDO(C) aru BDO office khan Lunglei district majot organise koribo juntu dwaar pora aro besi student benefit pabo.