August 05, 2024: Skill Proficiency Management laga second phase loishey, Building aru alag construction worker khan nimitey, Advanced Training of Trainers (TOT) laga, kuntu toh hoiley Tuensang laga Town Hall tey para loishey, 5th August, 2024 tey.
Itu training tey kotha kuri kena, Deputy Commissioner Tuensang, Lithrongla Tongpi Rutsa para itu organiser Zynorique Initiative Society ke thaks janaishey, eneka nishina training provide kuria nimitey, itu youth khan nimitey, Tuensang laga. Tai para state kurishey ki, itu fast para budli hoi thaka duniya tey, skill thaka job khan toh lagi asey, sob field aru itu skill development para employment opportunity khan toh paboley pari asey, itu government aru private sector duita tey bhi. Rutsa para koishey, ki, Nagaland tey, non local khan laga higher average toh employ hoi kena asey, construction kaam khan tey kiley koiley indigenous Naga khan toh compete kuriboley napari kena asey, skill development khan nathaka karney. Tai para aru bhi koishey ki, itu skill training khan para, bishi local unemployed youth khan to haram para job opportunity khan bisariboley paribo, ekta electrician, plumber aru construction worker khan nishina tey. Tai para itu trainee khan ke, tai khan laga bhabana khan bhal para shikhiboley karney dyan diboley koishey, kuntu gyan khan diboley asey itu training para aru tai para itu bhi state kurishey ki, itu Government toh hoiley alag alag scheme khan aru benefit khan provide kurey, building aru construction tey kaam kuria manu khan karney, itu Labour laga Department para, itu State tey.
Itu training karney introduction toh hoiley Tenempong Longchar Team Zynorique para highlight kurishey. Itu programme toh hoiley EAC(P) Tuensang, Apuloka H Sumi para highlight kurishey, aru vote of thanks toh hoiley Netenba Ajem Principal ITI Tuensang para deliver kurishey.
Add Comment