SKM  pra Shivraj Chouhan lah appointment upur protest kurishey

New Delhi, June 12: Wednesday dae Samyukti Kisan Morcha (SKM) pra Shivrak Singh Chouhan kae Union agriculture minister panai dia upur protest kurishey, kun Madhya Pradesh lah chief minister thakishey kitya polce lah firing dae choita farmers murishey state lah Mandsaur district dea, June 6, 2017. Chouhan, ruling BJP lah ekta senior leader, tai tho bishi baar Madhya Pradesh lah chief minister huishey, hoilibhi tai etu baar first time Union minister hui jaishey. “Etu farmers  tho MSP (minimum support price) karey  portest kura time de morai dishey”, SKM pra etu ekta statement dae koishey. BJP tho itya tak single largest party thakishey etu bar lah Lok Sabha election dae hoilibhi tai etu bar tho tai lah consecutive single party majority pawoley para nai. Hoilibhi NDA dae tai lah allies lokot, etu BJP pra tai lah government tho Centre dae panai luishey.