Slovakia, 3 January 2025: Slovakia laka Prime Minister Robert Fico pra dhamki dishey financial support toh katibo leh 130,000 opor Ukrainian refugees khan nimite, Ukraine khan lokot jakara kura karne Russian gas supplies laka opor te. January 1 te, Kyiv khan pra pipeline toh kati dishey, kun toh 10 saal opor pra chulai ase Central Europe te Russian natural gas toh supply kuribo leh. Slovakia toh main entry thaki shey aro echa country toh millions euros haribo leh ase transit fees te.
UN’s refugee agency (UNHCR) khan pra estimate kuri shey last month, Slovakia te 130,530 Ukrainian refugees ase 6,812,900 globally pra. Fico kun December te Moscow te surprise visit kuri shey Russia’s president Vladimir Putin lokot khota kuribo leh – tai pra kyiv’s move toh sabotage ase koina describe kuri shey. EU state laka prime minister pra koishey tai Ukraine te electricity exports toh rukabo leh propose kuribo aro Ukrainian khan karne financial support toh komti kuribo, kun khan Slovakia te shelter pai kina ase.
Tai pra koishey Slovakia toh eku risk nai gas shortage pra duk pabo leh, kileh koileh taikhan already alak rasta banai loishey. Hoileh b Fico pra aro koishey Ukrainian president Volodymyr Zelenskyy laka decision toh taps toh bon kuribo leh, etu pra Slovakia ke 500m euros deprive kuribo transit fees te alak countries khan pra. Tai koishey tai laka party toh tayar ase debate kuribo leh electricity supply toh rukha boleh aro Slovakia te Ukrainian manu khan nimite madat to komti kuri dibo.
Add Comment