LUCKNOW, SEPTEMBER 1 : Union Textiles Minister Smriti Irani pora Saturday din “Digital Village” kholidese. Etubi Congress President Rahul Gandhi laga Parliament Constituency Amethi te.
2014 Lok Sabha te candidate nemite naam thali kena election mana ke chetibole nabara Smriti Irani pora etu Digital Village ula time te District Officials aro BJP Leaders kan bi melekena thakise. Aro etu khola toh Common Service Centre, Information aro Technology Ministry laga, Pindara Thakur bosti te kholidese koise.
Tai bi etu Digital Village khola oporte “Digital India” laga naam pora Digital Banking Service bi kholidebole ase. Etubi etu eke jaka Amethi town te. Etu bejete tai Capital te wabas khoraijabole ase koise.
Etu Digital Village Project laga bitorte 206 Programmes kan thakibole ase. Etubi etu jaka laga manu kan nemite. Aro etu Programmes kan majutte Wi-Fi Chaupal, LED Bulb manufacturing, Sanitary Pads banabole aro PM Digital Literacy kan ase koise.
Add Comment