New Delhi, 1 July : India vice-captain Smriti Mandhana T20I batting ranking te 3rd number te uthise, jitu tai England logot first match te century marise. Harmanpreet injure thaka karone, tai team lead korise. Tai already ODI ranking te number 1 te ase.
Match khotom hobo pichor, Mandhana koi dise T20I tai kar strong point nohoi, kintu experts etu ke pura biswas nohoi koribo. Tai power-hitting pura dekhaise — besi boundary off-side te aru tinita six on-side te marise.
Mandhana 62 ball te 15 four aru 3 six marise aru 112 run banai dise, juntu India ke England uporot 97-run te jitai dise Nottingham te. Etu bhi England karone T20 format te sob pora dangor hara ase. Left-handed opener Mandhana etiya kar career-high 771 rating point ase, aru 3rd number te ase. Tai logot West Indies laga Hayley Matthews 774 point te 2nd te ase, aru Australia laga Beth Mooney 794 point te top te ase.
Add Comment