New Delhi, 17 December : India te Smriti Mandhana ICC laga latest Women’s ODI Player Rankings te phir para top position wapas paise, South Africa te Laura Wolvaardt ke pichete chari diya. Tuesday din itu update ahise.
Latest ICC Women’s ODI Player Rankings te South Africa aru Ireland laga player khan bhal improvement dikhaise. East London te series opener match te Proteas khan seven-wicket te dangor jeet anise. Sune Luus aru Miane Smit laga half-century pora team ke target 210 run 37 over bhitor te chase kori jeet paise, ICC website hisab te.
Itu performance laga karone, Sune Luus ODI batter ranking te paanchta place uthi joint 31st position te ahise. Itu pichete, Mandhana same list te Wolvaardt ke pichete chari top te pohise, karon South Africa laga skipper itu match te matro 31 run bonaise.
Mandhana laga rating itu haafta te 811 point te same thakise, kintu Wolvaardt laga rating eight point ghoti 814 pora 806 te namise, South Africa Ireland ke haraise kuina bhi.
Luus aru bhal improvement dikhaise aru ODI all-rounder list te 10 place uthi 33rd position te pohise. Ireland laga duita player — Orla Prendergast (ekta place uthi 10th) aru Laura Delany (tinta place uthi equal 16th) — tourists laga biggest gainer ahise.
Prendergast ODI bowler list te duita place uthi overall 34th position te jaise, match te tai laga 1/34 spell laga pichete. Tai laga teammate Arlene Kelly (ekta rung uthi 32nd), Cara Murray (charta spot uthi equal 49th) aru Laura Delany (charta rung uthi 67th) bhi ranking te aage ahise.
Add Comment