March 6, 2024: Sob Indian participants kan taikan laka visa approval pai shae ekta major international chess tourney karne, kuto April mohina deh schedule ase Toronto, Canada deh. Hoile b Toronto kan event tho host kuri bo nah nai etu sure nahoi. Kile koile itia b alak country para teetha players aro ekta official taikan laka visas karne rukhi ase.
2024 Candidates Tournaments, kuto International Chess Federation para hold kure, etu tournament tho April 3 para 23 tak lubo leh schedule ase. Aro etu tournament tho Chess laka dunia deh sobse prestigious tournament ase koi. FIDE Candidates kan para World Champion title karne challengers kan determine kuri bo Open aro Women’s categories tuita deh b.
Tournament deh pasta Indian players ase: teen Grandmaster Praggnanandhaa R, Vidit Santosh Gujrathi aro Gukesh D Open category deh aro Women’s deh Vaishali Rameshbabu aro Koneru Humpy ase.
Chess Federation Of Canada laka president, Vladimir Drkulec para taikan laka sob visas kan approve hui jai shae kui shae aro taikan kili bole pari bo kui shae. Tai para DIDE deputy president aro former World Champion Viswanathan Anand b ahi bole pari bo kui shae.
“Itia b tostha visas approve hobo leh baki ase. Indians kan ekta b list deh nai,” tai para kui shae. Hoile b Indians karne visas clearance tho eku bhal nahubo alak players kan laka visas kan approve nahoi leh tho,” tai kui shae.
Add Comment