KOLKATA, OCTOBER 1 : Home Minister Rajnath Singh pora Centre Sorkar pora tai ke sob states logot Rohingya kan neju-neju jaka te ase na nai etu sabole kuribi koi kena janaise koise. Aro etu sabole kura khobor toh Centre ke janaidebole kuribi. Etu bejete Centre pora Diplomatic Channels pora Myanmar desh logot kotha mela kurikena etu Rohingya manu kan nemite saidebole kuribo (initiate action) koi kena janaise koise.
Etu kotha Home Minister Rajnath Singh pora janaidiya toh Eastern Zonal Council laga meeting Monday din Kolkata te mana time te janaidiya laga ase. Etu time te tai bi sob states kan neju-neju jaka te Biometric Data sai kena Rohingyas manu kan ase na nai sabole kuribia ro janibole kuribi. Aro etu bejete etu khobor kan toh Centre ke janaidebole kuribi. Etu bejete Centre kan Diplomatic Channels pora Myanmar desh logot kotha kurikena thik pora husir laga action manabole kuribo koi kena janaide thakise. Kele etu Rohingyas kan India desh te ahe kena thaka kan toh sob khushi-khushi aha laga ase aro etu toh thik nathaka laga kotha ase koi kena.
Home Minister Rajnath Singh bi Rohingyas kan toh khali Northeastern states phalehi ahe kena thaka nahui. Huilebi India desh laga South phale bi ahe kena ase. Etubi Kerala state dak kebi koi kena etu meeting te janaide thakise.
Kakus ke kotha lekhe kena janaidiya ke Chief Security Commissioner of Southern Railways pora bi Railway State Authorities kan ke chuti Rohingyas manu kan Train pora berabole ahe kena thakise koile etu khobor toh tai kan ke janaidebole kuribi koi kena janaide thakise koise.
Add Comment