August 25, 2024: Saturday din deh Erling Haaland tho ekdum form deh taki shae, Manchester City para Ipswich Town keh 4-1 hara time deh. Norwegian striker para ekta hat-trick mari shae kuto para taila season tally tho chartha goals deh lui jai shae, tuita match deh. Alak side deh tai para taila Premier League tally tho 67 goals deh lui jai shae, 68 appearances deh City fans kan Haaland tho sobse bhal centre forward ase kui nah label kura time deh, manager pep Guardiola tho alak ekta opinion deh taki shae. beIN SPORTS deh kotha kura time deh, tai para etu kui shae,” Sobse bhal forward mui dika tho Messi ase – Mui enaka kitia b kwa nai.” “Erling lokot deh taka numbers tho ekdum unbelievable ase. Mui laka papna deh tai Cristiano Ronaldo aro Messi lokot deh table deh buhi bole pari bo, goals score kura laka isap deh,” tai para kui shae. FC Barcelona laka Guardiola era time deh, Messi para 219 fixtures deh 211 goals score kuri shae aro 94 assist bah kuri shae. Tai tho Barcelona laka all time leading goalscorer ase aro La Liga History deh top goalscorer ase, 474 goals lokot deh. Hall tho itia b Messi aro Cristiano Ronaldo laka level deh punchi bole baji nah ase hoile b taila career deh utu stage punchi bole pareh.
“Sobse bhal forward mui dika tho Messi ase”: Guardiola
