May 17, 2024 : Itu Social Welfare Department Government of Nagaland laga Annual Officer’s Conference loishey, NBCC Convention Center, New Secretariat Road, Kohima tey para, 17th May, 2024 tey, Advisor, Department of Social welfare, Wangpang Konyak toh tatey Special Guest thaki kena.
Itu occasion tey kotha kuri kena, Advisor para highlight kurishey, alag alag scheme khan opor tey, itu government of Nagaland para, itu sob para bishi vulnerable section khan ke, itu society laga. Tai para itu bhi mention kurishey, keneka itu department toh hoiley 1968 tey para ulaishey, aru itya tak bhi itu department toh hoiley alag alag scheme khan loi asey, itu maiki khan, bacha khan aru disable manu khan karney.
Tai para itu bhi encourage kurishey itu officer khan ke, sincere hoboley karney, kaam kuriboley diligent para, aru itu sob grievances khan opor tey saboley, itu public para face kuria khan. Tai para itu Nagaland laga Chief Minister ke bhi thanks janaishey, tai ke eneka opportunity diya nimitey, aru tai ke trust kuria nimitey.
Itu program laga order toh hoiley Social Welfare laga Director – Tosheli Zhimomi para chair kurishey, invocation toh hoiley Youth Secretary, NBCC laga Rev. Suhuto Chishi para lead kurishey. Department of Social Welfare laga Secretary – Martha R. Ritse (IAS) para khata speech deliver kurishey aru, Wango Langsym, Deputy Director para Vote of Thanks dishey.
Add Comment