June 26, 2024 : Social Welfare laga Department para ekta online competition launch kurishey, substance abuse prevention opor tey, 24th June 2024 tey. Itu programme toh hoiley Social Welfare laga Directorate laga Conference hall tey para loishey, tatey tey kotha kuri kena, Kohima laga Social Welfare laga Director Tosheli Zhimomi para state kurishey ki, Nagaland toh hoiley substance abuse logotey biya para affect hoi kena asey kotey manu khan hundred- hundred manu khan toh hoiley itu laga sikar hoi kena asey. Tai para koishey, itu State Government toh hoiley war declare kurishey drugs opor tey aru itu asey ki, itu Social Welfare laga department para toh hoiley alag alag program khan loi kena ahi asey, primary prevention laga measure hisap tey aru itu toh hoiley alag alag group laga manu khan logotey punchi asey, substance abuse kuria laga ill effet khan laga message toh shamjaboley.
Zhimomi para tai laga delight express kurishey, itu Creative Writing, Poster Banawa aru Reel Banawa laga online competition khan tey, itu launch tey, International Day laga commemoration tey, Drug Abuse aru Illicit Trafficiking laga against tey, kotey para para aru bhi tai laga optimism express kurishey, ki, bhorta jawan chukra chukri khan toh hoiley register kuribo itu competition tey aru tai khan laga critical thinking aru creative writing toh hoiley aid hobo, itu public khan ke educate kuriboley, itu substance abuse kuria laga danger khan opor tey.
Deputy Director, Social Welfare- Wango Langsym para itu jama kuria manu khan ke brief kurishey, aru inform kurishey ki, Nagaland tey ekla, yatey toh six lakh para bhi bishi substance abuser khan asey, kotey thirty seven thousand khan toh bacha khan asey aru seventeen thousand khan toh maiki/chukri khan asey.
Add Comment