August 01, 05:40 PM: Itu Social Welfare laga Department para ekta press communique issue kurishey, itu itya chuli thaka state-level Special Enrolment Drive laga regard tey, Pradhan Mantri Matru Vandana (PMMVY) nimitey.
Tai khan laga state kurishey ki, PMMVY enrolment drive toh hoiley sob 17 district khan tey kuri jai ke ahi asey, Nagaland laga.
Itu Department para state kurishey Pradhan Mantri Matru Vandana Yogna toh hoiley central para sponsor kuria laga maternity benefit scheme asey, Mission Shakti under tey, kuntu toh hoiley monetary benefit provide kurey, ₹5,000/- laga, Pregnant Women aru Lactate kuria Ama khan nimitey, tai khan laga first live birth aru ₹6000/- tai khan laga second bacha nimitey, itu bacha judi chukri thakiley. Itu benefit khan toh hoiley Direct Benefit Transfer (DBT) para provide kurishey aru itu toh hoiley naaw muhina tak tey avail kuriboley paribo, bacha jonom hoa pichetey. Itu eligible candidate khan toh sob para osor laga Anganwadi Centre/CDPO/DPO office tey visit kuriboley paribo, nahoiley District Hub for Empowerment of Women (DHEW) tey visit kuriboley paribo.
Aru bhi kiba information aru assistance lagi asey koiley, manu khan State Women Helpline – 181 ke phone kuriboley paribo nahoilebi PMMVY nimitey National Helpline Number – 14408 tey bhi phone kuriboley paribo.
Add Comment