Social Welfare Laga Director Para Shalom Children’s Home Kiphire Tey Visit Kurishey

May 09, 2025, 07:34 PM: Nagaland laga Social Welfare laga Director – Tosheli Zhimomi aru Mission Vatsalya laga Program Manager – Raitale para itu District Child Protection Unit Kiphire Khaikho Khiamniungan logotey mili kena, Shalome Children’s Home tey visit kurishey, Kiphire district laga, 08^th May, 2025 tey.

Director, Tosheli Zhimomi para khata speech deliver kurishey, kotey tai para itu bacha khan ke encourage kurishey, Isor ke hey agey rakhiboley jeevan tey, tai khan kaga teacher khana ru elder khan laga kotha maniboley koishey aru tai khan laga puria- likha tey bhal kuriboley encourage kurishey. Tai para pichetey kunba art material khan donate kurishey aru Rs 20,000/- donate kurishey, itu Shalome Children’s Home Kiphire tey.

Raitale para bhi tai laga appreciation express kurishey, itu infrastructure aru environment nimitey, Shalome Children’s Home laga.

 Itu program toh hoiley ekta invocation laga prathana logotey shuru kuria laga thakishey, Accountant SCH- Kamsu para. Aru itu pichetey SCH Kiphire laga Proprietor – Tsusu Mary para welcome address dishey, aru Shalom Home Children para welcome song present kurishey. Itu program toh hoiley ekta mass prathana loi kena khotom kurishey.