Kohima, 23 November: Sustainable Development Goals (SDGs) pithor deh solid waste management laga ek-din training toh SIRD conference hall, November 22 direk deh loise. Etu training toh Rural Development aro SIRD melikena lowah laga ase.
Inaugural speech deh, additional director, RD, Thungjamo Odyuo para solid waste management laga kaam opor deh koise. Tai koile thek nathaga solid waste management para khali gao ekala ke dekthari powah nai kena pura community ke be dekthari pai. Etu para be socip-economic aro ecologic dekthari olai.
Tai koise, ministry of environment, forest and climate change, Government of India para 2000 laga Municipal Solid Waste (managing and Handling) Rules notification deshe. Etu para municipal authorities toh waste processing aro disposal facilities bonaise, sanitary landfills sites janise aro thaki thaga dumpsites phal korise. Hoilebe tai koise, fulfillment nahowah toh municipalities para processing aro disposal projects bonabole napara nemide ase. Rural areas nemide tai koise, aji kali collection system toh nai. Tai aro koise, Nagaland laga Governor para 33 bosti ke 28 blocks cover korikena Solid Waste Management Rules 2016 laga compliance nemide khobor janaise. Etu opor deh, sob bosti council para action plans daiyar kuribo lakae. Etu toh Rule 13 of Solid Waste Management Rules 2016 pithor deh bonabona kora nemide waste toh kenaga manage kuribo lakae etu opor deh hobo lakae.
Training deh cover kora, solid waste management laga introduction, alak alak waste management rules aro policy deh saija, waste management deh saijai kena village council laga duties aro zamidari ase. Resource parsons khan toh RDO, Celine Thol, RDA, Teisozhavi Tetso aro RDO, John Wesley Magh thakise.
Add Comment