Sonakshi Sinha para judi thik roles aro director disey koiley tai magic  kuridibo paribo koisey

Mumbai, May 16 : Actor Sonakshi Sinha para koisey ki tai para 10 saal ageyte tailaga career laga rasta bodli kurikina enaka role te focus kuribole faisla kurisey kuntu para taikey challenge korey aro etu para taikey ‘Dahaad’ aro etya ‘Heeramadi : The Diamond Bazaar’ laga project paisey. Tai tu Reema Kagti laga project ‘Dahaad’ te chutu seher laga police laga role kurisey. Aro tai tu Sanjay Leela Bhansali laga India aro Pakistan bhak nuhuwa agey laga jamana laga Lahore te set thaka drama ‘Heeramandi’ te badla lobole bisari thaka Fareedan laga role nimitey tariff paisey. Sonakshi para koisey ki etu drama laga eight-part te tai nimitey ama-chukri Rehanna aro Fareedan laga ekbar te duita role play kuribole asan thakanai. Hoilebi tai para etu manage kuribole parisey, Sanjay Bhansali para tailaga kabiliyat te bharosa kora nimitey. Bhansali para 2012 te Sonakshi laga movie Rowdy Rathore ke produce kurisiley. Sonakshi para ekta interview te PTI ke koisey, “Judi apni amikey sahi role aro sahi director disey koiley, ami jadu kuribo parey.”