AGENCIES : Sonam Kapoor,kun The Zoya Factor te Indian icricket team’s good luck charm laga role kuri ase etia tai lucky ase tai laga baba Anil Kapoor nimete.Tai para Sonam ke koishe tai jonom huwa logote film khan aha toh bhal hoise .Etu para sawal uthaishe etu actress toh etu tai laga baba laga iconic film wapas bona te act kuribo na nakuribo.Tai koishe ki etu 1987 laga film wapas bonaishe koile toh tai Mr India act kuribole mun ase.
Sonam koishe “Etu film toh olop alag ase aro bhabona kura toh sob manu bishi bhal para act kurishe .aro etu bishi important ase .Aro mui janeh etu film bhal nalaga manu kun bi nai.Aji tak bi sob manu etu film bhal lageh tai khan saa pichede .”
Etu actress koishe tai nijor hi etu film te Mr India laga role kuribo.Tai koishe “Mui bishi khushi hobo Mr India laga character kuribole nimete etu film toh bonaishe koile toh.Mui kuwa toh kile mota khan hi etu Mr India laga character kuribo maiki khan bi etu character kuribo paribo.”
Aro tai etu remake toh bonabole nimete Sonam hasi kena thakishe.Tai hasikena koishe “Mr India bonabole laga rights toh Boney aro Anil Kapoor logote ase .Apuni khan bhabona kureh tai khan para etu film bonabole nimete mui ke rights dibo.”
Add Comment