July 18, 2026: Activist Sonam Wangchuk, kun hunger strike laga 21st day te thake she, taike Safdarjung Hospital te loi jai she New Delhi te, Delhi police khan para Saturday te ahe kena tai ke loi jai she, tai laga health beshe bea hoi ja karne.
Mr. Wangchuk aro Cockroach Janata Party (CJP) khan Union Minister Dharmendra Pradhan laga resignation mangea kena ahe thake she, NEET-UG exam paper leak hoi ja karne,
Videos khan te dekhe bole pare she ki, police khan jobor jos ahe kena Sonam Wangchuk ke loi jai she. Police khan para loudspeakers khan te be announce kure she ki, tai khan Mr. Wangchuk ke hospital te loi ja ase.
Cockroach Janata Party founder Abhijeet Dipke ke dure kena thake she Delhi police khan para aro olop piche te chare de she. Mr. Dipke para X te lekhe de she ki, Delhi police khan para tai ke mare she. CJP spokesperson Saurav Das para koi she ki Delhi police khan lathi-charge be kure she students khan laga opor te.
