New Delhi, 15 May : National Award paise singer Sonu Nigam recently Kannada language laga controversy te ulai aahise. Itu sob shuru hoise Bangalore te ekta musical concert te, juntu te actor laga kotha logot kunba manu laga sentiments hurt hoise buli koi case court te loi jaise. Sonu Nigam High Court laga darwaza knock korise itu FIR laga mamla te. Karnataka High Court direction dise ki singer logot kunba strict action nokoribo, condition ase ki tai investigation te cooperate kori thakibo lage.
Apuni khan ke janai di, ki recently Sonu Nigam ekta musical concert karone Bangalore te paunchise. Performance te thaka kunba manu takke demand korise ki tai Kannada language te ekta gaan gao. Itu demand te gussa kori, Sonu Nigam koi dise ki kunba ekta language karone etiya dangor fanatical behavior dekha nokoribo lage. Tai aro koi dise ki fanatical behavior juntu Pahalgam terrorist attack te dekha paise, itu bhi ekta alag type laga fanaticism ase. Itu statement pichhe Sonu Nigam controversy te fas jaise, aru Kannada language laga kunba institution khan tai laga itu kotha te objection uthai dise. Eitu he nai, Bangalore te Sonu Nigam khan uporte complaint bhi file kori dise.
Jetiya itu mamla te controversy dangor hoise, Sonu Nigam ekta video release kori tai laga clarification dise. Police te complaint aahib piche, Sonu Nigam High Court te petition file korise itu mamla karone. Court hearing piche, Sonu Nigam relief paise. High Court order dise ki tai uporte kunba strict action nokoribo, tai sirf investigation te cooperate kori jaai thakibo.
Add Comment