Sonu Sood ke ‘state icon of Punjab’ nam dishe

November  17, 2020. Election Commission of India (ECI) para Actor Sonu Sood ke state icon of Punjab junishe koishe. “ami ke etu kam te junai nemite besi kushi paishe. Ami Punjab te jokom korishe aro etu te junai karne mon kushi aro ami laga desh para moi logot bhal laka nemite mon thikena kam koribo”. Sonu para tai kushi powa janai thishe. Etu fesla te Sonu Sood ke saman dishe, tai para lockdown thaka samai kam bhal besi korikena ahishe. Tai para aro manuh logot shields, food, mobile phones aro lakai saman besi dishe. Olop din agae te Sonu para junaishe ke, tai laga autobiography titled ‘I am No Messiah’ olaboli ase. Olop din agae te actor para 6 saal bacha Harshvardhan ke be pachaise. Etu bacha toh Apollo Hospital te liver transplant kora te motob thishe. Actor-producer para bacha laga family ke motob korishe aro operation kora samai poisa be sob thishe. Etu 6 saal bacha toh 6 moina thaka samai bemar thakishe. Bacha ama para koishe ke, doctor khan para liver beya hoishe koishe, aro etu operation koribo nemite poisa Rs 20 lakhs neshina jabole koishe. Sonu Sood laga kam oper te, tai ke Akshay Kumar laga film “Prithviraj” te olabo ase.