Sonu Sood para e-rickshaws mission olaishe

NEW DELHI: Bollywood actor Sonu Sood para December 13 darik te COVID-19 bemari thaka samai relief kam aro dukai manuh nemite e-rickshaws olaishe. Etu kam oper te actor para Instagram te, “Khud kamaao, ghar chalao” koishe. Sonu Sood para bemari samai humanitarian kam kora nemite bhal para janikena ase, tai para koishe, morom toh manuh hath para tai paishe, etu nemite duk manu hoper te kam kora ase, koikena ANI para khobor thishe. “Jaa besi moina akhe te ami manuh laga morom besi paikena ase, etu para ami tai khan logot motob thiboli hoishe. Ami para ‘Khud kamaao ghar chalaao’ kam toh soruh kori ase”, koikena actor para koishe. “ami besas ase ke, supplies deya logot toh kam deya toh besi important ase. Aro besas ase etu kam para manuh khan nejor kamaikena thakiboli paribo.” Bemari samai, Sonu Sood para Pravasi Rojgar app olaikena 50,000 oper manuh khan logot kam thishe. Etu app toh alag-alag companies logot linked korikena ase, ketai companies khan labourers lakibo. Actor para aro pasikena thaka labourers khan ke ghor te COVID-19 samai wabas loikena anishe koishe.