New Delhi, July 30 :Actor Sonu Sood para tailaga 51st Birthday laga occasion te akhirkar tai para direct kora film ‘Fateh’ laga release date announce kurisey. Tailaga instagram handle te, Sonu para etu release hobole thaka film para nijor laga duita poster share kurisey. Ekta picture te, Sonu Sood ke, San Francisco laga mashoor Golden Gate bridge laga ageyte kala suit pindikina thaka dikhi pai. Dusra te, taikey Jacqueline Fernandez logotey kiba ekta ke saithaka dikhisey. Etu poster khan logotey tai para enaka likhisey, “Desh laga best action film nimitey tayar hoijabi.”
Etu saal first fale, Sonu Sood para reveal kurisiley ki tai para direct kora film tu cybercrime laga through para thoga laga bari te asey. Etu film ke Zee Studios aro Shaki Sagar Productions para produce kurisey.
Add Comment