Vishakhpatnam, 27 October : New Zealand laga captain Sophie Devine Sunday te nijor final match khelikene One Day International (ODI) para retire korise, ongoing Women’s World Cup te.
36 saal laga Devine nijor 159th aru last ODI England logot khelise ACA-VDCA Stadium, Visakhapatnam te, juntu match te tai 35 ball te 23 run mari dise aru ekta wicket loi se. Match sesh hua piche te England aru New Zealand laga players milikene tai ke guard of honour dise, kitia England 8 wicket te match jitise. Sophie Devine laga ODI debut October 22, 2006 te Australia logot hoi thakise, aru etiya tak tai total 4279 run score kori se etu format te. ODIs te tai total 9 ta century marise, tai laga ninth ton etiya World Cup te ahi thakise aru tai laga highest individual score 145 run (131 ball te) thakise, jun South Africa logot 2013 World Cup te India te mari thakise.
Add Comment