New Zealand, 18 June : New Zealand laga captain Sophie Devine announce korise ki tai ODI cricket pora retire hobo World Cup khotom hobar pichhe, jun etu saal India aru Sri Lanka te khela hobo. Kintu, ODI pora retire korile bhi, Devine T20I te khelibo lagi thakibo, karon tai 2025-26 season karone ekta casual playing agreement sign korise.
35 saal laga etu faisla New Zealand laga 17-jon mahila player laga contract list announce hobar thik age ahi ase. Devine World Cup juntu dangor tournament hobo, itu te team lead koribo, aru tai laga last match pora pichhe notun captain appoint kora hobo tai laga jagah te.
19 saal laga tai laga career te, Devine ekjon sabse dangor all-rounder hisebe uthi ahi ase women’s cricket te. Tai 2006 te international level te debut korise jab tai 17 saal thaki ase.
ODI match te, Devine duita number te ase New Zealand mahila team karone highest appearance kora player hisebe — Suzie Bates laga pichhe te. Tai 3990 run score korise, jun te tai fourth-highest run-getter ase. Etia World Cup te bhal performance diya hole, Devine 4000 run cross kori third position te uthi jabole paribo, Debbie Hockley ke cross kori.
Add Comment