Ho Chi Minh City: Sunday te India’s Sourabh Verma pora China’s Sun Fei Xiang ke three-game te chiti kena USD 75,000 Vietnam Open BWF Tour Super 100 badminton tournament laga men’s singles title chitise.
Second seed Sourabh, etu sal Hyderabad Open aro Slovenian International chiti kena dhakiya manu, pora Sun ke 21-12 17-21 21-14 pora top clash te harai dise.
World no 38 Sourabh, etu sal National champion chitiya manu, etya USD 400,000 Korea Open World Tour Super 500 event September 24 pora 29 tak khilibole ase. Sourabh pora opening game te 4-0 pora lead kuri kena jai dhakise. Tai break te 11-4 pai kena aram kuri dhakise aro break biche te 15-4 pora ake ta jai jaise.
Sun pora khetabole kosish kurise hoile bhi point laga gap toh bishi lampa dhakise kintoh Sourabh pora first game te ektam aram pora chiti kena dhakise.
Chinese pora second game te, 8-0 lead pora lead kuri dhakise. Tai game adha tak toh 11-5 pora dhkaise aro Indian pora khetabole kosish kurile bhi tai ektam pariya nai, kintoh Sun bishi ucha te jai dhakise.
Decider te, Sun pora pohila te 4-2 pora lead kuri dhakise hoile bhi Sourabh biche te 11-7 pora ektam ake te jai jaise. Etu biche te Indian pora tai laga lead bonaise.
Sourabh 17-14 pora next jarta point loi kena tai laga opponent ke harai dise aro tai laga etu sal laga third title chitise.
Madhya Pradesh te pora 26 umar manu pora jowal sal Dutch Open aro Korea Open chiti kena ase.
Add Comment