South Africa dey mpox para second manu murishey

South Africa, 13 June : South Africa dey mpox para second manu murishey, health minister para announce kurishey, itu virus ke report kurina desh laga agey maut huina olob gondha piche dey.

Itu tuita mota, 37 aro 38 saal, test kurishey aro itu virus karoney jaan jaishey, minister Joe Phaahla para kuishey.

Mr Phaahla para kuishey ki itu saal desh dey itia tak six cases record kurishey – Gauteng dey tuita, aro KwaZulu-Natal dey four.

Itu khan sob severe aro hospitalisation lagishey.

Sob diagnose kuria mota khan toh 30 aro 39 umaar bheej dey thakishey, kun khan itu outbreak huina laga desh dey jainai- suggest kurishey ki itu bimari toh locally transmit huishey.

Mpox, formerly monkeypox madi thakia, ekta viral infection asey kuntu close contact karoney transmit hui.

Agey symptoms toh fever, headaches, swellings, back pain, aching muscles, kuntu piche dey ekta rash nishna ulai.

World Health Organization (WHO) para 2022 dey mpox laga ekta outbreak upar dey public health emergency declare kurishey. Juti itu jaa saal khotom huishey, kunwa desh dey itia tak low levels cases report kuri asey.

Mr Phaahla kuishey ki six kun diagnose kuria patients toh pre-existing immuno-deficiencies thakishey, aro itu bimari May laga shuruwat para contract kurishey.

Tai kuishey ki itu virus toh 2022 para luina 100 desh dey report kueishey.

Kun ekta fatality logot contact dey ahey, 21 din karney monitor kurey.

Agey human case toh 1970 dey Democratic Republic of Congo dey report kurishey, aro itu bimari tatey endemic thaki asey, WHO laga hisab dey.