December 29, 2023: Mbongeni Ngema, acclaimed musical Sarafina laka write, ekta car crash deh muri jai shae Wednesday din deh. Taila kandan poara etu kobor tho announce kuri shae. Thik 1992 movie tho etu sal laka Cannes film festival classic section deh screening kuri nah wapas ahi bo taki shae Ngema muri jai shae.
“Upsos deh taki nah am ikan mukan laka beloved bai, baba, husband aro ekta patriot, Mbongeni Ngema achanak she muri shae kui nah announce kuri ase,” Ngema tho ekta head-on-car accident deh muri jai shae. Tai funeral attend kuri nah wapas ahi taki shae Eastern Cape province deh. Tai tho gari deh passenger taki shae.
“Sarafina” para Ngema keh ekta pan-African music star banai di shae. Ekta stage version tui sal karne New York laka Broadway deh play kuri taki shae. Sarafina tho Tony aro Grammy awards karne nominate hui nah taki shae. Fim deh Leleti Khumalo star kuri shae, kun stage version deh taki shae aro olop piche deh Ngema aro Whoopi Goldberg lokot sathi kuri shae.
Ngema tho ekta actor, choreographer, composer aro singer taki shae. Taila hit gana ekta tho9 “Stimela sa se Zola” taki shae. 2020 deh Ngema laka ekta ex-wife para ekta book deh tai para taike sexually abuse kuri shae kui nah allege kuri shae
Add Comment