Raipur, 4 December : Men’s Cricket te, South Africa India-ke 4 wicket te harai dise second game te, tin-ta ODI series laga, kali rati Raipur te thaka Shaheed Veer Narayan Singh International Stadium te. India laga 359 run chase kori bole, South Africa 362/6 score kori finish korise, 4 ball baki thaka te.
Aiden Markram sobse dangor run korise—110 run, pichete Matthew Breetzke 68 run. India laga side te, Arshdeep Singh aru Prasidh Krishna duita-dopita wicket tulise.
Tarat host team toss jitiki, stipulated 50 over te 358/5 score korise. Ruturaj Gaikwad 83 ball te 105 run mari dise, aru Virat Kohli 93 ball te 102 run.
Ithu Kohli laga 53rd ODI century ase—itu format te tai laga world record ghorai extend korise. South Africa te, Marco Jansen duita wicket tulise, aru Lungi Ngidi aru Nandre Burger ekta-ekta wicket loi dise. Aiden Markram-ke Player of the Match diya hoise.
Ithu jeeti loi, tin-ta ODI series ekdom 1-1 te equal hoi jaise. Last match itu mahina laga 6 tarik te Visakhapatnam te khelibo.
Add Comment