Indore, 7 October : Women’s ODI World Cup Cricket te, South Africa last night Indore laga Holkar Stadium te New Zealand ke 6 wicket para haraise. South Africa 232 run laga target ke easily cross kori kene 40.5 over te 4 wicket te 234 run score korise. Tazmin Brits 101 run banai dise aru Sune Luus unbeaten 83 run banai dise. Tazmin Brits ke Player of the Match declare korise. New Zealand laga side te Amelia Kerr duita wicket loise, aru Jess Kerr aru Lea Tahuhu ekta-ekta wicket loise.
Agey te, New Zealand 47.5 over te 231 run score kori kene all out hoise. South Africa laga Nonkululeko Mlaba charta wicket loi dise, aru Marizanne Kapp, Ayabonga Khaka, Nadine de Klerk aru Chloe Tryon ekta-ekta wicket loise. Aji England aru Bangladesh laga match Guwahati laga Barsapara Cricket Stadium te hobo. Match 3 baje Indian Standard Time te shuru hobo. Total 8 team World Cup te khelishe. Indian women Sri Lanka aru Pakistan ke parai kene 4 point loina top of the table te ase.
Add Comment