South Africa pora one billion dollar invest koribo

Agencies, 24 November: South Africa pora oil sector deh USD 1 billion invest koribole ase koikena South Sudan’s oil minister pora janaise. Etu toh East African desh laga kahani deh sobse dangor investment hobole ase. Friday din Ezekiel Lol Gatkuoth pora South Africa’s energy minister logode memorandum of understanding sign korise koikena Jeff Radebe Radebe pora janaise. Etu pora tuita desh logodeh be laab (profit) pabole ase koise. South Sudan logode 3.5 billion barrels  toh Africa’s third-largest oil reserves logode ase aro etu saman othaise koile desh toh phal hoijabo koikena biswas kori ase. Jai jaa tui moina time deh peace agreement toh sign kora thakise. Ekta analyst pora kowah toh, sign korise koilebe South African laga poisa phal hobole eman chance nai. Judi phal hoise koile South Wfrica toh Chinese, Indian, Malaysian aro tusara interests khan logode join hobo. Oil minister pora South African laga poisa toh oil and gas, research and development aro transfer of technology deh refining aro processing nemide jolabole ase koise.  South Sudan pora ek-din deh 60,000 barrels tail capacity koribo karni plan korise koikena South Africa’s Radebe pora janaise.