Agencies, 25 July: South African women’s cricket squad laga tinta members ke corona virus nemide positive test paise. Etu enaka howa toh England tour nemide training camp lobole plan kora agae te ase. Tinta members te ekta support staff be melikena by Cricket South Africa (CSA) para camp para withdraw korise. Camp toh July 27 direk Pretoria te suru koribole scheduled ase. CSA para release te koise, Ami khan confirm koribole para toh, tinta manu ke positive test paise. Players aro support staff kon positive test paise etu khan ke 10 din nemide self-isolate hobo etiya aro training camp te hesha nalobo.
Release te koise, “tai khan ke nil to mild symptoms ase. Ami khan laga medical team toh CSA’s COVID-19 Steering Committee protocols hisaab te tai khan logode closely monitor kori ase. Kelay koile tai khan laga phal nemide. Train aro play program te kora aha players ke toh CSA Medical Committee’s protocols para guide koribo.
CSA para 34 tests toh players aro support staff ke loise. Squad aro support staff toh second round of testing nemide jabo kelay koile second training camp laga daiyari nemide. Etu toh August 16 te suru hoija thakibo.
South Africa toh England tour nemide daiyari kori ase. Etu toh aha sal ICC World Cup laga daiyari nemide part ase.
Add Comment