South Africa Zimbabwe logote jitishe

Kimberley: Sunday din  Diamond Oval te khela  first one-day international te South Africa khan pora Zimbabwe ke 5 wickets pora haraidishe.South Africa khan karne etu asani  pora jitibole thakishe.Etu khel te Zimbabwe khan pohila batting kurikena 117 te pura out hoishe.Etu toh Zimbabwe khan laga sobse lowest total ase  39 one-day internationals te.Hoilebi South Africa khan bi dukh paishe  tai khan ke harabole .Tai khan  58 runs te 4 ta wicket jaikena thakishe .Hoilebi wicketkeeper Heinrich Klaasen pora 44 runs marikena tai khan ke etu khel toh jitai dishe. Opening bowler Lungi Ngidi pora three for 19 loishe Duminy pora Zimbabwe ke bat kuribole phuta pichede .Zimbabwe khan nimete captain Hamilton Masakadza 25 runs bonaishe aro Elton Chigumbura pora 27 runs bonaishe.Etu duijun out huwa pichede ek jun bi bhal pora khelibole paranai. Kagiso Rabada, Andile Phehlukwayo aro leg-spinner Imran Tahir pora 2 wickets loishe Ngidi ke support kurikena . Tendai Chatara opening spell te bishi bhal kuriikena 6 overs te 2 for 12 dishe Zimbabwe khan ke hope dikena .Hoilebi Klassen pora 44 off 44 balls te bonaikena tai 5^th wicket thakishe out huwa toh.Tai out hoikena 22 runs lagi thakishe. Klaasen pora left-arm spinner Wellington Masakadza laga bowling te back to back sixes marishe  .Tai runs bona pora South Africa khan Zimbabwe logote jitibole parishe.