South Atlantic deh fishing vessel dubi jah tho choijun muri jai shae

July 24, 2024: Tuesday din deh ekta fishing boat, Falkland island laka coast deh dubi shae. Boat tho 27 jun keh buki taki shae aro dubi jah tho kom seh kom choijun muri jai shae aro alak sathjun tho itia b hari nah ase, British aro Spanish maritime officials laka isap deh. 14 jun, ekta life raft deh punchi bole pari shae aro osor deh taka tuita fishing boats para bajai di shae. Boat laka nam tho Argoas Georgia taki she aro etu bboat tho South Atlantic Ocean deh dubi jai shae, Argentina laka oor deh, Spanish authorities para kui shae. Spain Pontevedra province  laka officials kan para tostha crew members kan tho Spaniards kana se kui nah identify kuri shae, hoile b taikan laka condition kinaka ase, etu tho kwa nai. Taikan para crew laka majo deh alak nationalities kan bishi taki shae kui shae. Falkland Islands para taikan Argos Georgia para emergency signals pai shae kui shae, Monday din deh. Search aro rescue effort deh aircraft aro vessel kan keh bishi deploy kuri shae.