Srinagar, November 9 : Officials khan para koisey, The Resistance Front, koikina gairkanooni group Lashkar-e-Taiba (LeT) laga ekta shadow atangwadi group laga nutun recruit kora atangwadi khan tu Thursday din te south Kashmir laga Shopian district te guli mari huwa homoitey murijaisey.
Etu guli mara mari tu November 8 laga rati aro November 9 laga phujur andhera thaka homoitak chuli thakisey aro etu tu Shopian laga police aro Indian Army para Kathohalan koikina ekta busti te suspected atangwadi mojud thaka laga jankari diya picheyte etu area ke ghera homoitey aro talashi luwa homoitey suru hoisey.
Army laga Chinar Corps para X (twitter) laga ekta post te koisey, “ Ekjun atangwadi tu khotom hoijaisey aro etu logotey hathyar aro larayi te chola saman khan bi paisey.”
Ekjun police spokesperson para koisey ki Shopian Police aro Indian Army laga joint talashi kora party tu atangwadi khan lukai thaka jaga laga osor te pungcha homoitey, etu atangwadi para security personnel khan ke guli cholaisey.
Etu spokesperson para koisey, “Etu encounter te, Vishroo Payeen koikina ekta jag ate thaka aro TRF atangwadi group logotey link thaka local atangwadi Maiser Ahmad Dar (kun ke Adil bi koi) tai murijaisey aro tailaga dead body ke encounter kora jaga para paisey.”
Etu spokesperson para koisey, “Security forces khan para encounter kora jaga para hathyar aro barud khan paisey. Aro taikhan para pa sob bustu ke agey investigation kuribole nimitey case record te loikina asey.”
Etu spokesperson para koisey ki manu khan tu encounter huwa jaga ke pura puri safa nokora tak aro sob phutibole para bustu khan ke hatai nidiya tak ppolice logotey cooperate kuribole request kuri asey.
Add Comment