Agencies: Khobor hesab te South Korea te 1,600 opor hotel guests khan khilaf te tai khan laga hotel rooms khan te lukai kena film kurishe. Aro tai khan laga footage khan toh online te live dekhaishe. Etu toh South Korean police khan para bishi dangor illegal spy-cam scandal toh dhuribole parishe.
CNN khobor hesab te etu scandal toh South Korea laga dosta (10) cities te thaka tis (30) hotels khan laga 42 rooms te hoi thakishe.
Etu biya kaam logote meli kena thaka duita manu khan ke police para dhurishe. Aro dusra duita manu khan ke police para puchtach kuri ase.
South Korea laga National Police Agency hesab te cameras khan toh digital TV boxes, wall sockets aro hairdryer holders khan laga bhitor te lukai kena rakhi thakishe. Aro etu footage khan toh online te dekhai thakishe.
Police para koishe ke hotels khan toh etu scandle te meli kena thaka te eku subut panai.
Add Comment