Seoul, February 19, 2026: Former President Yoon Suk Yeol toh pura life karne jail te thake bole saza pai she, December 2024 te martial law impose kurea karne. Judge Jee Kui-youn para koi she ki, Yoon toh guilty ase, military aro police forces khan cholai ke liberal-led National Assembly dure bole khushesh kurea karne, aro politics manu ke durea karne.
Yoon toh verdict toh appeal kure bole beshe chance ase koi she. Ekta special prosecutor para toh Yoon ke morai debole laga saza mangea ase, tai koi she Yoon laga action khan toh country laga democracy ke dhamki dea ase, aro tai laga saza toh sob se dangor ki ase etu de bole lagea. Hoile be beshe analyst khan toh Yoon toh life karne jail laga saza pabole neshe na ase koi she, tai laga action te kumbe namurea karne.
South Korea toh 1997 para etia tuk morae debole laga saza pai kena thakea khan ke, etia tuk kun ke be morai nai, capital punishment toh hathai de bole beshe manu mangea ase.
Yoon court punchea homoi, hundred neshe na police officers khan alert te thake she, judicial complex laga bahar te Yoon laga supporters khan rally kurea karne. Court para beshe military aro police officials khan be saza de she, Yoon laga martial law impose kurea te modok kurea karne.
Add Comment