Seoul: Monday te Seoul official koise, South Korea para 600,000 coronavirus testing kits United States ke deboli ase. U.S. President Donald Trump para mangiya nemite tuesday den teh etu first shipment hobo.
March 25 teh Trump para President Moon Jae-in, ke telephone para testing kits tuh mangishe, kelay koile United States te barmari case tuh beshe states te jolti olai ase.
U.S. Federal Emergency Management Agency cargo plane para saman tuh bokikena 10:30 p.m. (1330 GMT) samay te charibo.
Officials koise, testing kits tuh tuita/tinta companies para bhuna laga ase aro etu saman tuh juwa moina teh U.S. Food and Drug Administration para deya ase. Hoilebli tai khan nam tuh kuwa nai.
Shipments (saman) tuh U.S. government laga hath the debo aro poisa tuh be tai khan therabo, etu oper te 150,000 kits tuh aha den nemite local retailer khan logot bekaboli ase, officials para koise.
South Korea’s foreign ministry para etu mangiya tuh jolti para chawab deyanai.
South Korean companies para olop den aki te be U.S. cities aro Los Angeles ke test kids deshe, hoilebi etai laga tuh first time ek par para beshi U.S. federal government para mangiya laga ase.
China te first eman tangor bemar ola bechete, South Korea tuh coronavirus cases tuh eku tangor dhuk nabaikena control te anibole barishe. Testing campaign aro intensive contact tracing nemite dunyabad kurishe.
South Korea koise, Government officials aro private companies khan para kam bhal kora nemite success hoise aro tai khan para tek samay desh te thousands oper manuh elach kurishe.
United States toh dusora desh logot be virus para manu wala morai tuh record ase, 22,000 oper Sunday dak te hoise, aro 42 states tuh ghor bethor thakibole kara hokom deshe.
South Korean official koise, “moi khan situation oper te ase, ke hobole ase bara thak kuribole ase”.
Add Comment