South Korea pra air safey probe order kuri shey deadly plane crash hwa pichideh

South Korea, 30 December 2024: South Korea’s acting leader pra emergency safety inspection order kuri shey country laka pura airline operation laka, taikhan laka jaka te deadliest plane crash te 179 manu muri kina ek din par hwa pichideh. Jeju Air Plane jui juli jaishey South Korea laka Muan International Airport te crash-land hwa time te, etu pra plane te kun thaki shey sop ke murai dishey. Acting President Choi Sang-mok pra investigators khan ke huti shey hatsa te taikhan pa toh muri ja manu khan laka ghor manu ke disclose kuribo leh. Tai laka request b ahishey kicha aro alak Jeju Air Flight wapas Seoul te ahi jaishey takeoff hoi kina olop deri pichideh Monday din te, unidentified landing-gear issues nimite. Monday din te, Jeju Air Plane Gimpo International Airport pra olai shey 06:35 local time te (21:35 GMT Sunday) aro ek ghanta bitor te wapas ahi jaishey mechanical defect, landing-gear issue pra kura laka jani pa pichideh, South Korea’s Yonhap news agency khan pra report kuri shey. Landing gear toh chaka aro plane laka alak parts khan ke koi ase kun toh plane ke support kureh takeoff, taxiing aro landing kura time te. Aircraft wapas ahi ja toh Boeing B737-800 thaki shey, same model ase kun toh Sunday din laka hatsa te involved thaki shey. Jeju Air’s fleet laka 42 aircrafts te 39 toh etu model ase. Sunday laka crash hwa pichideh, Boeing khan pra koishey taikhan Jeju Air lokot khota kuri ase aro tayar ase support kuribo leh. Flight 7C2216 te 179 passengers khan toh saal 3 pra 78 tak khan thaki shey, hoileh b bishi wala toh 40s, 50s aro 60s te thaki shey, Yonhap news agency khan laka hisap pra. Duita Thai nationals thaki shey muri ja manu te aro alak khan toh south Korean ase koina bisas kuri ase, authorities khan pra enika koishey.