Agencies, 28 December: South Korea para COVID-19 laga notun variant nemite first cases confirm korise. Etu toh United Kingdom te first jani powa laga ase. Monday te Korea Disease Control and Prevention Agency para cases te confirm korise. Etu toh December 22 direk South Korea para aha ekta family laga tinta manu para ase.
Tai khan aha din bechite South Kora para air travel nemite Britain para aha te December 31 tak karni bondh korise. Etu toh virus laga notun version kelaaf te bachibole nemite ase.
Tinta manu kon U.K te thakikena ahishe etu khan South Korea te quarantine te ase. Monday te South Korea para 808 notun coronavirus cases register korise. Etu para desh laga cases load 57,680 otha logote 819 mora ase. Etu toh second din ase South Korea laga daily tally toh 1,000 mark nejote record howa. Desh laga Christmas din te 1,241 cases record howa thakise. Etu toh pandemic suru howa samai para South Korea te sobse besi otha laga ase. Saturday te South Korea te 1,132 te thakise.
Add Comment