June 11, 2024: North Korea troops kan land border violate kura piche deh, South Korea soldiers kan para warning shots kan fire kuri shae, South Korea laka military para kui shae Tuesday din deh. Kun bah North Korean soldiers kan kun border laka north sde deh najana kam kuri taki shae, taikan ekbar karne military demarcation line tho cross kuri shae, Sunday din deh, Korea laka Joint Chief’s of Staff para kui shae.
South Korea laka military para warning shots kan fire kura piche deh aro warning broadcast kan issue kura piche deh, uthu North Korean soldiers kan phat, taikan laka territory deh wapas jai shae. Taikan para, North Korea kan alak eku suspicious activities kan kura nai kui shae.
South Korea laka military kan para North Korean soldiers kan jani jani nah border tho cross kura nai kui nah kui shae. Kile koile jaka tho ghas kan taka laka jaka ase kui shae aro MDL signs kan eman bhal para diki bole napareh, Joint Chiefs of Staff spokesperson Lee Sung Joon para reporters keh kuri shae.
Korea laka mine-strewn land border tho dunia laka sobse heavily armed border ase. Tateh hazar nishi nah combat troops kan ekjun ekjun keh face kureh. Etu tho 1950-53 Korean War laka ekta legacy ase, kuto ekta peace treaty para nahoi nah, armistice lokot deh kotom hui shae.
Add Comment