South Korea’s laga purana president Lee ke 15-sal saja paise

Agencies, 5 October: South Korean court pora purana President Lee Myung-bak logode corruption charges pora 15-sal karni saja honaidese. Friday deh Seoul Central District Court pora Lee logode saja honaideya toh corruption, fraud aro tusara charges karni thakise. Lee pora etu kora nai koi-kena saboot annibo karni ek-hapta time dee ase. Lee toh president karni 2008 pora 2013 tak thakise. Tai ke March moina arrest kora bechide Seoul laga center jai de rakhi kena ase. Tai laga conservative successor Park Geun-hye toh corruption scandal opor de 33-sal saja pai kena ase.